Jaime Zubia jaunak jaso zuen, atzoko batzarrean, BASERRITARRON LAGUNAren saria Gipuzkoako ENBAko lehendakaria den Iñaki Goenagaren eskutik.
Sariarekin ENBAk baserritarren alde egindako lan bikaina eta oparoa eskertu nahi du eta bide batez, baserriaren mundua gizarteratzeko lanetan, komunikabide alorrean egindako lana azpimarratu da, batez ere, irrati alorrean.
Saria Goenagaren eskutik jaso bazuen ere, Jaime Zubia oso hunkituta agertu zen Javier Ziardaren bertsoak eta Laxaro Azkune kazetariaren hitzak entzun ondoren eta jendearen txalo zaparrada jaso ostean.
